Brúkrananámskeið
Brúkranar sem lyfta 5 tonnum og meiru urðu réttindaskyldar vinnuvélar 1. október 2021. Þetta gerðist með nýjum reglum sem eru númer 1116.
Brúkranar eru vinnuvélar í skráningarflokki C hjá Vinnueftirlitinu.
Verð og upplýsingar
Námskeiðið kostar 19.900 kr. á mann og gefinn er afsláttur fyrir hópa.
Innifalin eru öll námsgögn, fyrirlestrar og próf.
Námskeið er einnig í boði á ensku og pólsku.
Smellið hér til að skoða fyrsta kaflann á námskeiðinu.
Uppbygging námskeiðsins:
Brúkrananámskeið Vinnuverndarskólans er í 100% fjarnámi. Þátttakendur horfa á stutta fyrirlestra í tölvu og taka tvö krossapróf. Það er hægt að byrja á námskeiðinu þegar hver og einn vill og menn geta lært þegar þeir vilja. Það má reikna með því að það taki 3-4 klst. að klára námskeiðið.
Námskeiðið skiptist í tvo hluta. Fyrri hlutinn fjallar um vinnuverndarlög, reglur og vinnuverndarstarf. Seinni hlutinn fjallar um uppbyggingu og notkun brúkrana, stjórntæki, hífivír, ásláttarbúnað o.fl.
Flest stéttarfélög, Virk, Rafmennt, Iðan, Vinnumálastofnun og Áttin veita styrki fyrir námskeiðinu eða hluta þess.