Flokkstjórar í vinnuskólum

Á vinnuverndar- og öryggisnámskeiði fyrir flokkstjóra í vinnuskólum verður fjallað um áhættumat starfa, slysavarnir, mikilvægi góðrar umgengni sem er stór þáttur öryggismenningar, ábyrgð og skyldur atvinnurekanda og flokkstjóra. Hvað mega ungmenni á aldrinum 13-17 ára vinna við hjá vinnuskólum sveitarfélaga og hvaða vinnu mega þau ekki vinna. Reglugerð um vinnu barna og unglinga nr. 426/1999 er kynnt. Einnig verður fjallað um slysaskráningu, persónuhlífar, líkamsbeitingu, vinnu við sláttuvélar og háþrýstidælur, hvaða málningu og efni ungmenni mega nota o.fl. 

Í námsefninu er mikið af myndum og sýndar verða stuttar teiknimyndir af NAPO en efnið um hann er búið til af vinnuverndarstofnun Evrópu.