Verkstjóranámskeið

Hver er verkstjóri samkvæmt vinnuverndarlögunum? Hvaða ábyrgð og skyldur hvíla á verkstjóra varðandi vinnuverndar- og öryggismál? Vinnuverndarlögin og reglugerð um skipulag og framkvæmd vinnuverndarstarfs á vinnustöðum er kynnt. Fjallað verður um mikilvægi þess að verkstjóri sé leiðandi í vinnuverndarstarfi og öryggismenningu vinnustaðarins. Farið verður yfir hvað skiptir mestu máli fyrir verkstjóra að vita s.s. framkvæmd vinnuverndarstarfs, áhættumat, skráning og tilkynning vinnuslysa ásamt þremur stigum forvarna vegna vinnuslysa. Einnig verður komið inn á ábyrgð verksjóra á vinnuumhverfinu almennt t.d. hávaða, lýsingu, innilofti, notkun efna og véla. Að lokum verður fjallað stuttlega um mikilvægi verksjóra varðandi andlegt og félagslegt vinnuumhverfi, einelti og áreitni.

Verð og upplýsingar

Verð 19.800ISK á mann, gefinn er afsláttur fyrir hópa.

Námskeiðið er kennt í fjarfundi gegnum Teams.

Námskeiðið byggist upp af fyrirlestrum og sýndur er fjöldi mynda og myndbanda af raunverulegum aðstæðum. 

Næsta námskeið verður haldið:

  • 3. apríl

Flest stéttarfélög, Virk, Rafmennt, Iðan og Vinnumálastofnun veita styrki fyrir námskeiðinu eða hluta þess.

Það er hægt að halda námskeiðið fyrir einstök fyrirtæki eftir nánara samkomulagi.