Vinnuvernd 101

Námskeiðið fjallar um grundvallaratriði í starfsumhverfi og vinnuskipulagi til að stuðla að öryggi og vellíðan starfsfólks. Námskeiðið er hugsað fyrir allt starfsfólk vinnustaða til að allir hafi breiða almenna þekkingu á vinnuvernd og öryggismálum. Fjallað verður um það sem lög og reglugerðir segja að allir vinnustaðir verði að uppfylla. 

Á námskeiðinu verður farið yfir það sem skiptir mestu máli á stuttan og snarpan máta, m.a. verður fjallað um:

• Vinnuverndarstarf sem þarf að fara fram á öllum vinnustöðum
• Skipan og hlutverk öryggisnefnda, öryggistrúnaðarmanna og öryggisvarða
• Skipulag og kröfur varðandi áhættumat starfa
• Hvaða vinnuslys á að skrá og tilkynna
• Helstu forvarnir vegna vinnuslysa
• Sálfélagslegt áhættumat, stefnu og viðbragðsáætlun vegna eineltis og áreitni
• Líkamlegt álag, hávaða, loftræstingu og meðferð hættulegra efna

Þátttakendur fá send námsgögn í tölvupósti, linka á bæklinga sem þeir lesa og 7 fyrirlestra, samtals um 40 mín. sem þeir horfa á. Að lokum taka þátttakendur stutt krossapróf úr efninu.